Fundvit në acar: Qindra emigrantë të mbërthyer në kampin e shkrumbuar nga zjarri GB

Viti i ri në të ftohtë dhe acar, pa një strehë për të mbrojtur veten është gjendja e rreth 900 emigrantë nga Azia e Jugut dhe rajone të tjera në Bosnjë-Hercegovinë pasi u ishte refuzuar strehimi i duhur.

Ata qëndrojnë në Lipa, një kamp i shkrumbuar nga zjarri javën e kaluar në veri-perëndim të vendit, pas një mosmarrëveshjeje mbi zhvendosjen e tyre në një kazermë ushtarake.

Pamjet e shpërndara në mediat sociale i tregojnë ata duke ecur në pyje Video i tregoi ata duke me sendet e tyre në duar dhe kurriz pasi autobusët që supozohej t’i transferonin ishin bllokuar.

Emigrantët kaluan një natë në autobusë në pritje të transferimit, por përfundimisht u kthyen në kampin e shkatërruar. BE dhe agjencitë e ndihmës kanë paralajmëruar një krizë humanitare pasi emigrantëve u mungojnë nevojat themelore. Një deklaratë e përbashkët nga Organizata Ndërkombëtare e KB për Migracionin (IOM), Save the Children dhe grupe të tjera të ndihmës tha se “autobusët nuk u nisën kurrë nga vendi, pas një bllokimi në proceset e vendimmarrjes në nivele të ndryshme të autoriteteve dhe protestave të popullsisë lokale”.

Kampi i urgjencës Lipa, afër qytetit të Bihac, “nuk kishte kushtet më themelore për të pritur njerëzit në dimër”.

Pas mbylljes së kampit 3,000 emigrantë tani kishin nevojë të jashtëzakonshme për ndihmë humanitare pranë kufirit të Bosnjës me Kroacinë anëtare të BE.

Në vitet e fundit mijëra njerëz, përfshirë refugjatët nga konfliktet në Afganistan dhe Siri, kanë hyrë në Bosnjë duke shpresuar të marrin azil në BE duke kaluar në Kroaci. Sidoqoftë, shumë janë detyruar të qëndrojnë në Bosnjë.

BE u ka dhënë autoriteteve Boshnjake 60 milion € (54 milion £; 74 milion $) për të menaxhuar krizën dhe premtoi 25 milion € më shumë, por pengesat burokratike mbeten, raporton Reuters.

/Shqiptarja.com/

Leave a Reply

Your email address will not be published. Required fields are marked *