Osmani ngushëllon familjen e Riza Smakës: Jetoni me kujtimet më të mira për të! GB

Ushtruesja e detyrës së Presidentes, Vjosa Osmani, i ka dërguar telegram ngushëllimi familjes Smaka, me rastin e vdekjes së Riza Smakës.

Osmani thotë se familja Smaka të jetoj me kujtimet më të mira pasi Riza Smaka la pas vetës një trashëgimi të pasur universitare e politike.

Telegrami i plotë i u.d presidentes Osmani për familjen Smaka:

E nderuar familje Smaka,

Me dhimbje e pranuam lajmin për ndarjen nga jeta të z. Riza Smakës. Ai kontribuoi në sferën e jurisprudencës, duke qenë edhe anëtar i Komisionit për hartimin e Kushtetutës së Republikës së Kosovës. Gjithashtu ishte njëri nga nënshkruesit e Deklaratës së Pavarësisë së Kosovës. Profesor Smaka dha kontribut edhe në jetën parlamentare të Kosovës, duke qenë deputet në periudhën 2008-2011.

E nderuar Familje Smaka, jetoni me kujtimet më të mira për të, sepse ai la pas vetes një trashëgimi të pasur universitare e politike!

Në këto çaste të vështira për ju, bashkëndjej me Familjen Smaka!

I përhershëm qoftë kujtimi për të!

Leave a Reply

Your email address will not be published. Required fields are marked *