Sulmuesi i Shqipërisë edhe më pranë Shkëndijës, konfirmon largimin nga skuadra e tij GB

Sulmuesi i Kombëtares, Taulant Seferi nuk do të jetë më pjesë e kampionëve të Young Boys.

Lajmi është konfirmuar nga vetë 24-vjeçari, nëpërmjet një lidhje live në “Instagram”me Frederik Veselin.

I ngacmuar nga ky i fundit për zërat e fundit për një akord të mundshëm me Shkëndijën e Tetovës, Seferi nuk i mohoi në mënyrë kategorike këto zëra, teksa theksoi se nuk ende s’ka diçka konkrete.

“Pse nuk iu kthen përgjigje fansave për Shkëndijën vëlla, ku do transferohesh”?- ishte ngacmimi i Veselit.

“Nuk ka diçka konkrete për sa i përket Shkëndijës. Po të kishte do ta kasha bërë publike vetë. Për momentin ndodhem në Maqedoni, pranë familjes. Për pak ditë do të kthehem në Zvicër, për të diskutuar me klubin. E sigurt është që do të largohem nga Young Boys në janar. Nuk e kemi  vendosur ende të ardhmen. Shpresoj të shikohemi në mars”, deklaroi Seferi gjatë bashkëbisedimit me mbrojtësin e Kombëtares.

Thuhet se gjithçka është e kryer dhe se Seferi do të jetë futbollist i ri i Shkëndijës.

Leave a Reply

Your email address will not be published. Required fields are marked *